طوف وشوف: أسعار السيارات في بلد تحترم الناس
نظرا لأني مقبل علي شراء سيارة جديدة عند نزولي لمصر إنشاء الله فقد قررت أن أتابع أسعار السيارات علي كونتاكت كارز .... ثم من مشاراكات الأعضاء في المنتدي .... وثالثا نزلت المعارض (هنا في السعودية) عشان اتفرج علي بعض السيارات التي من الممكن أشتريها وإليكم بعض الملاحظات والمقارنات التي (حرقت دمي)
- فولت بنزين في عربيتي القديمة عشان ألف بيها لفة محترمة (بنزين 91 بـ 45 هللة – بنزين 95 بـ 65 هللة)
- روحت توكيل كيا وهناك أقل شيء معروض وليس علية إقبال هما البيكانتو(35000 ريال) – الريو(39000) – السيراتو(50000) (لأنهم أقل من 2000 سي سي) عربيات لعبة بالنسبة لهم __ شوفهم هنا في مصر عاملين إزاي؟؟؟؟ وحوش في السعر تقريبا علي التوالي 65000 – 86000 – 100000
- روحت توكيل هيونداي طبعا مافيش فيرنا!!!! دة كان من 4 سنين كدة وراحت لحالها .... أقل شيء هي الأكسنت 35000 ريال --- طبعا لو قارنا فرق العملة + الجمارك + الضريبة + مصاريف الشحن (تعتبر ارخص في مصر) لكن هل اللي في مصر بحالة أفضل وهل الدخل للمواطن المصري يتحمل كل هذة الأعباء والأسعار الخيالية والمبالغ فيها !!!!! مثلا أقل راتب في السعودية لمواطن بيكون حوالي 5000 ريال فلما يروح يشتري سيارة ب 35000 تكون الأعباء علية كما لو كان هايشتري تليفزيون ....
- عارفين الأستلام هنا إزاي ؟ إدفع 5000 ريال لدي مندوب البنك في المعرض وإملأ إستمارة وإستني الموافقة تيجي online في خمس دقايق وبعدين تعالي بعد يومين علي الأكثر إستلم السيارة مترخصة!!!!!!!!!!
- روحت توكيل (شيرى) اللي هو (إسبرانزا) في مصر ... مافيش 113 ولا 213 ... أقل شيء هناك الـ 516 ..... عارفين بكام!!!!!!!! بـ 38000 ريال!!؟ والمعرض مافهوش بني أدم واحد ... أنا بس اللي كنت بأتفرج وأجرب السيارات... ال 516 فقيرة جدا في الفرش بتاعها .. جدا جدا ... كمالياتها كتيرة لكن تقفيلها وحش جدا (وطبعا هي متقفلة في الصين مش عند أبو الفتوح) ... لكن ال 520 فرش جلد و 2000 سي سي وكل الكماليات بما فيها الأتوماتيك بـ 40000 ريال... ما علينا
- نيسان ........ أقل سيارتين (الصني) فقيرة جدا وما حدش بيتفرج عليها إلا أنا .... كل الزبائين الأخرين بيتفرجوا علي ال 4*4 و الأكستريل و الباثفايندر (عربيات في متناول أيديهم بـ 60 الف و 80 ألف وكدة) .... ثم شوفت التيدا وكانت رائعة وخاصة الهاتشباك و بـ 40000
----------------------------
وبعد كدة إنبهرت إنبهار خرافي .... عارفين كان فين؟؟؟؟؟؟
لأ مش مرسيدس ... ولا بي إم ... ولا جاجوار... لأ مش طموحاتي
بروتون الجباررررة
- الواجا والله كما لو كانت مرسيدس
فرش رائع – تكيف – كاسيت (بلو بونكت) سي دي إم بي ثري – إيه يو إكس – حساسات خلفية للإنتظار وركن السيارة – طبعا شبابيك كهربا و باور- أيرباج و إية بي إس ووووو حاجات كتير جدا مش فاكرها لأني كنت منبهر إنبهار غير طبيعي – الموتور تقريبا CAMPRO حسب تذكرى – بالتعاون مع شركة إنجليزية .... سعرها كام دي في مصر؟ انا مش عارف بس خمنت من كمالياتها إنها ممكن تكون ب 100 ألف!!!!!!! لكن هي هنا بـ 40 ألف .... عارفين اللي انا كنت باوصفها دي بيقول البياع عليها إية!!! (نصف فول)
قولتلوا إمال الفول أوبشن فيها إية؟
قالي بس بيزيد عليها فرش جلد و تطعيم خسب في التابلوه!
- الجين تو (تحفة التحف) عايزة متحف تتحط فية
فرش جلد – تكيف – كاسيت (بلو بونكت) سي دي إم بي ثري – إيه يو إكس وخلافة أيرباج و إية بي إس ..... كنت منبهر بيها جدا وقولت للبائع ما عندكوش تست درايف .... قالي إتفضل تعالي جرب عربيتي
قولتلوا إزاي انت سعودي والسعوديين بيعشقوا الكرولا إية اللي أقنعك إنك تجيب عربية ماليزي .... راح قالي لا وجه للمقارنة بين ال جين تو والتويوتا (لصالح الجين تو طبعا) ... المسألة مسألة تعود الناس علي ماركة معينة مش أكتر
ولما ركبت معاه سيارتة قولت لنفسي ( أنا لو معايا أركب مرسيدس لية ماوفرش وأركب الجين تو بنفس الراحة والكماليات ) ملحوظة: ما فيش شيء من الكماليات ماكنش موجود في السيارة وصاحبها اللي هو البائع صعقني وقالي : علي فكرة دي نصف فول!!!!!!!!
عايزين تعرفو سعرها كام هنا؟؟ ولا طولت عليكم؟
أنا فعلا طولت ....
تظاهرت بأني جاد في الشراء من هناك (ويا ليتني!!!!!!)
قولتلوا طب انا عايز أجربها بنفسي ممكن أحجز تست درايف
قالي روح معرض ..... للإيجار وأجرها يوم بـ 80 ريال وشوفها بنفسك (ما فيش هنا في التأجير شيك علي بياض والتخلف اللي عندنا في مصر ده) بندي الراجل صورة الرخصة و 80 ريال وتاخد العربية وتمشي
ولو حصل لا قدر الله إن العربية إتدمرت في حادث بتتصل علي الشرطة تيجي مكان الحادث يعملك محضر والتأمين يشيل كل حاجة
أه السعر
35000 ألف كل الكماليات ولو عايزها روح إدفع في البنك المقدم (إللي تقدر علية وتجيب الموافقة) وتعالي إستلمها ................... بكرة!!!!!!!!!!!!!!!!!!!!!!!!
أرجو أن أكونش ............ دمكم .... ودام فضلكم
ملحوظة: انا لسة باحب مصر وبعشقها (الحب اعمي بقي)